Rafael Qrossi Volodimir Zelenski ilə görüşüb

Beynəlxalq Atom Enerjisi Agentliyinin (AEBA) Baş direktoru Rafael Qrossi Zaporojya şəhərində Ukrayna Prezidenti Volodimir Zelenski ilə görüşüb.
Bu barədə Rafael Qrossi rəsmi internet səhifəsində paylaşım edib.
“Mən bu gün Zaporojye şəhərində Volodimir Zelenski ilə görüşdüm və Zaporojye AES-in və onun personalının mühafizəsi ilə bağlı fikir mübadiləsi apardım. Beynəlxalq Atom Enerjisi Agentliyi Ukraynanın nüvə obyektlərini dəstəkləyir. Dnepr su elektrik stansiyası Zaporojye AES-in nüvə təhlükəsizliyini təmin edən sistemin mühüm hissəsidir'',-deyə Beynəlxalq Atom Enerjisi Agentliyinin (AEBA) Baş direktoru qeyd edib.