Qitanas Nauseda:"Rusiyanın nüvə şantajı davam edir"

Litva prezidenti Qitanas Nauseda Rusiya prezidenti Vladimir Putinin taktiki nüvə silahı ilə bağlı qərarını tənqid edərək: "Rusiyanın nüvə şantajı davam edir" deyib.
Qitanas Nauseda bu barədə rəsmi ''Twitter'' səhifəsində paylaşım edib.
Rusiyanın beynəlxalq müqavilələrə məhəl qoymadığını ifadə edən Qitanas Nauseda deyib: "Rusiyanın nüvə şantajı davam edir. Təcavüzkar nüvə fəlakətinə səbəb olmadan dayandırılmalıdır".
Rusiya prezidenti Vladimir Putin martın 25-də  Belarusda taktiki nüvə silahı yerləşdirəcəklərini vurğulayaraq “Bunu nüvə silahların yayılmaması ilə bağlı beynəlxalq öhdəliklərimizi pozmadan edəcəyik” deyib.
NATO və Avropa İttifaqı (Aİ) Rusiyanın bu qərarını “məsuliyyətsiz” hesab etdiklərini bəyan ediblər.