Ukrayna Krımda baş verən partlayışla bağlı bəyanat yaydı

Ukrayna Krımın şimalındakı Canköy şəhərində baş verən partlayışda Rusiyaya məxsus qanadlı raketlərin məhv edildiyini açıqlayıb.
Ukrayna Kəşfiyyatı GUR-dan verilən yazılı açıqlamada Krımın şimalındakı Canköy şəhərində partlayışın baş verdiyi bildirilib.
''Partlayış zamanı dəmir yolu ilə yanaşı, Rusiyanın “Kalibr” qanadlı raketləri də məhv edilib”,-deyə açıqlamada vurğulanıb.
Açıqlamada həmçinin  sözügedən raketlərin məhvetmə məsafəsinin quru hədəfləri üçün 2500 kilometrdən, dəniz hədəfləri üçün isə 375 kilometrdən çox olduğu qeyd edilib.