Ukraynadan Polşaya daxil olan qaçqınların sayı

Ukraynadan Polşaya daxil olan qaçqınların sayı hazırda 9,5 milyonu keçib.

Polşa Sərhəd Mühafizəsinin tviter hesabından edilən paylaşımda Rusiya ilə fevralın 24-də başlayan müharibədən bəri Ukraynadan sıx mühacirətin olduğu xatırladılıb.

Paylaşımda bildirilib ki, ötən gün Ukraynadan ölkəyə cəmi 22 min 700 nəfər daxil olub.

“Müharibə başlayandan bəri Ukraynadan Polşaya keçənlərin sayı 9 milyon 510 min nəfərə çatıb” paylaşımda qeyd edilib. 

Paylaşımda Polşanı tərk edən ukraynalıların sayının 7 milyon 660 min olduğu diqqətə çatdırılıb.