İsrail Qəzza zolağına zərbələr endirib

İsrail təyyarələri  Fələstin silahlı qruplaşmalarının Qəzzanın mərkəzindəki hərbi hissələrinə zərbələr endirib. 
Fələstin Səhiyyə Nazirliyi hücumda ölən və ya yaralananların olub-olmadığı ilə bağlı açıqlama verməyib.
Hücum partlayışlara səbəb olub, ətrafdakı evlərə ziyan dəyib.
Fələstinin HƏMAS hərəkatının silahlı qanadı olan İzzəddin əl-Qassam Briqadası isə hava hücumundan müdafiə qüvvələrinin  İsrail təyyarələrinə lazımi cavabı verdiyini bildirib.
İsrail ordusu həmçinin Qəzzadan sərhədə yaxın yerləşən yəhudi yaşayış məntəqələrinə doğru 2 raket atıldığını və hava hücumundan müdafiə sisteminın bunun qarşısı alındığını açıqlayıb.
Dünən səhər saatlarında İsrail qüvvələrinin İordan çayının qərb sahilinin şimalındakı ''Cenin'' qaçqınlar düşərgəsinə təşkil etdiyi basqında 9 fələstinli həlak olmuşdu.