İsveç xarici işlər naziri PKK/YPG-nin Stokholmda törətdiyi təxribatı pisləyib

Billström sosial media hesabı “Twitter”-da paylaşdığı açıqlamasında: “Xalq tərəfindən seçilmiş prezidenti bələdiyyə binasının qarşısında asılmış kimi göstərmək iyrəncdir. İsveç hökuməti siyasi məsələlərlə bağlı açıq müzakirələri dəstəkləyir, lakin siyasi nümayəndələrin əleyhinə çıxışlara müsbət yanaşmır”.

Xatırladaq ki, Paytaxt Stokholmda tarixi bələdiyyə binasının qarşısında toplaşan terror təşkilatı PKK/YPG tərəfdarı bir qrup, prezident Rəcəb Tayyıb Ərdoğana bənzədilməyə çalışılan bir kuklanı dirəyə asıb və görüntüləri sosial mediada paylaşıb.