Seneqalda ağır yol qəzasında 38 nəfər həyatını itirib

Seneqalın cənub-qərbində baş verən yol qəzasında 38 nəfər ölüb, 78 nəfər yaralanıb.

Milli Yanğınsöndürmə Təşkilatından verilən yazılı açıqlamaya görə, paytaxt Dakardan 250 kilometr məsafədə yerləşən Kaffrine şəhəri yaxınlığında 2 şərnişin avtobusu toqquşub.
İlkin məlumatlara görə, qəza nəticəsində 38 nəfər ölüb, 78 nəfər yaralanıb.
Ölkə prezidenti Maki Sall rəsmi ''Twitter'' səhifəsində etdiyi paylaşımda həyatını itirənlərin ailələrinə başsağlığı verib.
Maki Sall qəzada həyatını itirənlər ilə əlaqədar bu gündən etibarən 3 günlük milli matəm elan edildiyini açıqlayıb.