Braziliyada torpaq sürüşməsi nəticəsində iki nəfər ölüb

Braziliyanın Parana əyalətində magistral yolda baş verən torpaq sürüşməsi nəticəsində azı 2 nəfər ölüb, onlarla insan itkin düşüb.

BR 367 magistral yolunda baş verən torpaq sürüşməsi nəticəsində 20-yə yaxın minik və yük maşınının sürükləndiyi açıqlanıb.

Fövqəladə Hallar İdarəsinin rəsmisi Manoel Vasko qurbanların dəqiq sayını bilmədiklərini və itkin düşən şəxslərin tapılması istiqamətində əməliyyatların davam etdiyini bildirib.
Axtarış-xilasetmə əməkdaşları əlverişsiz hava şəraitinin axtarış əməliyyatlarına mənfi təsir göstərdiyini bildirib.