İndoneziyada baş verən zəlzələ nəticəsində ölənlərin sayı 310 nəfərə çatıb

Noyabrın 21-də İndoneziyanın Qərbi Yava əyalətində baş verən 5,6 bal gücündə zəlzələ nəticəsində həyatını itirənlərin sayı 310-a yüksəlib.

İndoneziya Milli Fəlakət İdarəetmə Agentliyindən verilən açıqlamada Ciranjang şəhərinin 18 kilometr cənub-qərbində baş verən zəlzələ nəticəsində 24 nəfərin itkin düşdüyü bildirilib.

Səlahiyyətlilər zəlzələ nəticəsində həyatını itirənlərin sayının 310-a yüksəldiyini açıqlayıb.

Amerika Birləşmiş Ştatları Geoloji Xidməti (USGS) İndoneziyanın Qərbi Yava əyalətindəki Ciranjang şəhərindən 18 kilometr cənub-qərbdə baş verən 5,6 bal gücündə zəlzələnin ocağının 10 kilometr dərinlikdə qeydə alındığını bildirib.

Paytaxt Cakartada bir neçə saniyəlik sarsıntıya səbəb olan zəlzələdən sonra sunami təhlükəsi ilə bağlı xəbərdarlıq edilməyib.