Çin Tayvanı işğal etməyə hazırlaşır
Tayvan xarici işlər naziri Jaushieh Joseph Vu mətbuat konfransında Çinin Tayvan adası ətrafında təşkil etdiyi təlimlərlə bağlı açıqlama verib.
Xarici mətbuatda əks edən xəbərlərə görə Joseph Vu bildirib ki, Çin bu təlimlərlə Tayvanı işğal etməyə hazırlaşır.
Tayvanın sözügedən təlimləri şiddətlə qınadığını və bu təlimlərin məsuliyyətsiz olduğunu bildirən Vu, Çinin adanı işğala təşəbbüsünün regional sülh və sabitliyə də zərbə endirəciyini bildirib: “Çin Tayvanın işğalına hazırlaşmaq üçün hərbi təlimlər keçirir. Tayvanda ictimai əhval-ruhiyyəni zəiflətmək üçün genişmiqyaslı hərbi təlimlər və raket buraxılışları, həmçinin kiberhücumlar törədir. Tayvan, şübhəsiz ki, digər ölkələrlə əlaqələri davam etdirməyə və beynəlxalq birliyə qoşulmağa çalışır. Tayvan xalqı demokratik sistem vasitəsilə kollektiv iradəsini ifadə etmək hüququna sahibdir”-deyə xarici işlər naziri Vu vurğulayıb.
