Çin döyüş təyyarələri boğazı ikiyə bölən nominal orta xətti də keçib
Avqustun 7-dən bitəcəyi bildirilsə də, Çin ordusunun təlimləri ayın 8 və 9-da da davam edib
Tayvan adanın ətrafında 45 Çin döyüş təyyarəsi və 10 gəminin göründüyünü bildirib.
Tayvan Müdafiə Nazirliyi ABŞ Konqresinin Nümayəndələr Palatasının sədri Nensi Pelosinin səfərindən sonra başlayan Çin hərbi təlimlərinin 6-cı günündə adanın ətrafında 45 döyüş təyyarəsi və 10 döyüş gəmisinin göründüyünü açıqlayaraq bildirib: “Çinin hava və dəniz vasitələrinin elektron izləmə aparatları, patrul təyyarələri, gəmi və raket sistemləri ilə izlənilir. Adanın ətrafında 45 döyüş təyyarəsi və 10 döyüş gəmisi görünüb. Bunlardan 16-sı Tayvan boğazında sərhədin məhdudlaşdırıldığı hava və dəniz xətlərinin şərqinə uçub. 8 SU-30, 4 J-16, 4 J-11 döyüş təyyarələri boğazı ikiyə bölən nominal orta xətti keçib”.
Xatırladaq ki, avqustun 27-də N.Pelosinin adaya səfərindən sonra adanın ətrafında təlimlərin başladığı avqustun 4-də Tayvan ətrafında 22 Çin döyüş təyyarəsi görünüb, Çinin materik hissəsindən 11 idarə olunan raket atılıb, Tayvan tərəfindən zərərsizləşdirilib. Avqustin 5-də adanın ətrafında 68 döyüş təyyarəsi və 13 döyüş gəmisi, 6-sında 20 təyyarə və 14 gəmi, 7 avqustda 66 təyyarə və 14 gəmi, 8-ində isə 39 təyyarə və 13 gəmi görünüb.
Çinin 6 bölgədə həyata keçirdiyi təlimlər səbəbində bir sıra yerlərdə gəmi və təyyarələrin hərəkəti dayandırılıb.
Avqustun 7-dən bitəcəyi bildirilsə də, Çin ordusunun təlimləri ayın 8 və 9-da da davam edib.