Meksika “Estelle” qasırğasına qarşı tədbirlir görür
Sakit okean sahillərində əmələ gələn və 1-ci kateqoriyaya yüksələn “Estelle” qasırğası Meksika sahillərinə yaxınlaşır.
1856141
TRT xarici mediaya istinadən xəbər verir ki, bu barədə Meksika Milli Meteorologiya Xidmətindən məlumat yayılıb. Bildirilib ki “Estelle” qasırğası Sakit okean sahillərindəki 6 ştatda leysan yağışları, güclü külək və çay daşqınlarına səbəb olacaq. Rəsmilər vətəndaşlara tədbirli olmaları barədə xəbərdarlıq edib.
Qasırğanın qısa müddətdə 3-cü kateqoriya səviyyəsinə çatacağı və sürəti saatda 165 kilometrə çatan küləklərlə Gerrero, Miçoakan, Kolima əyalətlərində təsirli olacağı, sakit okean sahillərində 4 metrə qədər çatacaq dalğaların yaranmasına səbəb olacağı proqnozlaşdırılıb.
Qeyd edək ki, 30 may 2022-ci ildə Meksikada Oaxaca əyalətinin sahillərinə çatan və bölgədə daşqın və sürüşmələrə səbəb olan “Aqata” qasırğası nəticəsində 9 nəfər həyatını itirib, 6 nəfər isə itkin düşüb.