Kolumbiyada hәbsxanada yanğın nәticәsindә 52 nәfәr ölüb

Kolumbiyanın Tulua şəhərindəki hәbsxanada qiyam zamanı baş verәn yanğın nәticәsindә 52 nәfәr ölüb.

Rəsmilər ölkənin Valle del Kauka inzibati bölgəsindəki Tulua həbsxanasında baş verən qiyam vә yanğın zamanı 52 mәhbusun öldüyünü, 30-nun da yaralandığını qeyd edib.

Kolumbiyanın Milli Həbsxana İnstitutunun INPEC direktoru Tito Kastellanos bildirib ki, yanğın 180 məhbusun olduğu 8-ci kameradaki  məhbusların döşəkləri yandırması nәticәsindә baş verib.

Kastellanos deyib:  “Mühafizəçilər yanğını söndürmək üçün müdaxilə etdilər, lakin bu, kifayət etmədi”.

Mәlumata görә, yanğına polis vә yanğınsöndürәnlәr dә müdaxilә edib. Bölgәdә tәhlükәsizlik tәdbirlәri güclәndirilib.

Ölkә prezidenti İvan Duke rәsmi ‘‘Twitter’’ sәhifәsindә paylaşım edәrәk deyib: ‘‘Valle del Kaukadakı Tulua həbsxanasında baş verən hadisələrə görə kәdәrlәnirik. Mən INPEC-in direktoru Tito Kastellonos ilə əlaqə saxlayıram. Mən bu ağır vəziyyətə aydınlıq gətirilməsi ilә әlaqәdar göstәriş verdim. Hәlak olanların ailәlәri ilә hәmrәyәm’’.