Türkiyə hərbçiləri Pakistanda paradda iştirak ediblər

23 Mart Pakistan Milli Günü çərçivəsində Pakistanın paytaxtı İslamabadda hərbi parad keçirilib.

Pakistan Prezidenti Arif Alvi, Baş nazir İmran Xan, Pakistan ordusunun güc komandirləri, Türkiyə Baş Qərargah rəisi ordu generalı Yaşar Gülər, İslam Əməkdaşlıq Təşkilatı (İƏT) çərçivəsində Pakistandakı xarici işlər nazirləri və vətəndaşlar iştirak ediblər. 

Pakistan əsgərlərinin paradında tank, radar, hava hücumundan müdafiə sistemi və ballistik raketlər sərgilənib.

Helikopterlər və təyyarələr parad meydançasının yanından keçib, döyüş təyyarələri nümayiş keçirib.

Paradda Türkiyə və Azərbaycanın hərbi hissələri də iştirak ediblər.

Mərasimin sonunda Pakistanın müxtəlif əyalətlərinin rəqs qrupları da çıxış ediblər.

Pakistan Prezidenti Arif Alvi buradakı çıxışında Pakistanın üzləşdiyi çətinliklərə cavab vermək üçün milli birliyin zəruriliyini vurğulayıb və İslamabadın regionun sülh və təhlükəsizliyində məsuliyyətli rolunu dilə gətirib.

Alvi Cammu və Kəşmirdə insan haqları pozuntularını xatırladıb və Hindistana bunları dayandırması üçün xəbərdarlıq edib.