İndoneziyada Merapi vulkanı yenidən püskürməyə başlayıb

Əhalinin sıx məskunlaşdığı Yava adasındakı Merapi vulkanda ötən gecə başlayan püskürmələrə görə yaxınlıqdakı yaşayış məntəqələri külə bürünüb. Səlahiyyətlilərin açıqlamasına görə 7 dəfə püskürən vulkanın yamaçlarına axan lava 5 kilometrə qədər irəliləyib.

Milli Fəlakətin Qarşısının Alınması Agentliyinin sözçüsü Əbdül Muhari təbii fəlakət nəticəsində 253 nəfərin təxliyə edildiyini, lakin Partlayışlarda can itkisinin olmadığını bildirib.

Qeyd edək ki, 2010-cu ildə Merapi vulkanın püskürməsi nəticəsində 347 nəfər həyatını itirdi, 20.000 insan bölgədən təxliyə edildi.