Meksika çox sayda qeyri-qanuni miqrantı deportasiya edib

TRT-nin Meksika mətbuatına istinad etdiyi xəbərə görə 2021-ci ilin əvvəlindən ölkənin müxtəlif bölgələrində oğurluq, narkotik qaçaqmalçılığı və cinsi istismar kimi bir çox cinayətdə əli olduğu təsbit edilən mühacirlərlə bağlı tədbirlər həyata keçirilib. Meksika Daxili İşlər Nazirliyinin Milli Miqrasiya İnstitutu (INM) bildirib ki, 2021-ci ildə 252 min immiqrant saxlanılıb. Onlardan 4468-i qətl, çirkli pul, narkotik ticarəti kimi federal cinayətlərlə ittiham edilərək deportasiya edilib. 320-si isə mənsub olduqları ölkələrinin müvafiq orqanlarının tələbi üzrə Meksikadan çıxarılıb.