ÜST "Omicron" variantı və səyahət qadağaları barədə açıqlama yayıb

Ümumdünya Səhiyyə Təşkilatı (ÜST) yeni növ koronavirusun (Covid-19) "Omicron" variantının ortaya çıxdığı ölkələr üçün səyahət məhdudiyyətlərinin bu variantın qlobal yayılmasının qarşısını ala bilməyəcəyini açıqlayıb.

Təşkilatın bununla bağlı bəyanatında "Omicron" variantı ilə bağlı beynəlxalq ictimaiyyətə tövsiyələr verilib.

Variantla bağlı son inkişafların ÜST Katibliyi tərəfindən yaxından izləndiyi vurğulanıb və variantın ilk dəfə ortaya çıxdığı Cənubi Afrika Respublikası və Botsvananın Beynəlxalq Səhiyyə Nizamnamələrinə əsasən "Omicron" hallarını tez bir zamanda müəyyən edib müvafiq qaydada məlumatlandıraraq uğurlu mübarizə nümayiş etdirdiyi vurğulanıb. 

Bəyanatda "Omicron" variantı "narahatedici" olaraq xarakterizə edilib, yeni varianta görə əlaqədar ölkələrə səyahət məhdudiyyətləri tətbiq edən ölkələr üçün "Səyahət məhdudiyyətləri tətbiq edən ölkələr bu tədbirləri sübuta və riskə əsaslanan bir yanaşma ilə almalıdırlar." tövsiyəsi yer alıb.

Bəzi ölkələrin variantın yarandığı ölkələrdən uçuşları tamamilə dayandırmaq qərarı ilə əlaqədar “Tam səyahət qadağaları variantın beynəlxalq yayılmasının qarşısını almayacaq, əksinə insanların gündəlik həyatı və dolanışıqları üçün yük olacaq, eyni zamanda epidemiyaya qarşı qlobal mübarizə və uçuşlara mənfi təsir göstərəcək" xəbərdarlığı edilib.

Bildirilib ki, epidemiya davam etdiyi müddətdə humanitar yardım, yük daşımaları, əsas məhsul tədarükü və humanitar yardım kimi həyati əhəmiyyətli beynəlxalq səfərlər davam etməlidir.

"Omicron" variantının yayılmasının qarşısını almaq üçün bütün ölkələrə “izləmə və ardıcıllıq sistemlərinin işlənib hazırlanması”, “virusun tamamlanmış genom ardıcıllığını asanlıqla əldə edilə bilən verilənlər bazalarına təqdim etmək”, “variantlara dair yoluxma və yoluxma qruplarını ÜST-ə bildirməyi tövsiyə etmişdir.
ÜST-nin Baş direktoru Doktor Tedros Adhanom Qebreyesus da "Omicron" variantının görüldüyü ölkələrə tətbiq edilən səyahət məhdudiyyətlərinə reaksiya verdi və Cənubi Afrika və Botsvananın səyahət qadağası ilə cəzalandırıldığını müdafiə etdi.