Mozambikdə uşaqlar yenə ailələrindən uzaq düşdü

  Mozambikdə Ənsar-ül Sunna (Ensar'ul Sunna) təşkilatının təhlükəsizlik qüvvələri və vətəndaşlara qarşı hücumları nəticəsində yerindən-yurdundan edilən uşaqların sayı 336 minə çıxıb.

  Beynəlxalq “Save the Children” təşkilatından edilən yazılı şərhdə mühacir düşərgələrinə sığınan uşaqların son 1 ayda 40 faiz artdığı bildirilir.

  Ölkənin şimalındakı Kabo Delqado (Cabo Delgado) bölgəsində davam edən qarşıdurmalar üzündən indiyə qədər 336 min uşaq evlərini tərk etmək məcburiyyətində qalıb.

  “Save the Children” mühacir düşərgələrinə sığınan uşaqların böyük bir qisminin ailələrindən uzaq düşdüyünə və yalnız olduqlarına diqqət çəkərək onların qorunması üçün addımlar atmağa çağırıb.