Pakistanın xarici işlər naziri ABŞ-ın Əfqanıstandan çıxmasına münasibət bildirib

"ABŞ-ın ölkədən çıxışı sistemli olmayacağı və sülh prosesi ilə bir yerdə irəliməyəcəyi təqdirdə Əfqanıstanın 1990-cı illərdə yaşananları yenidən yaşayacağından narahatıq".
Bunu Pakistanın xarici işlər naziri Şah Mahmud Qureyşi Antalya Diplomatiya Forumunda iştirak etmək üçün gəldiyi Belekdə deyib.
Nazir ABŞ-ın Əfqanıstandan çıxma qərarı ilə əlaqədar olaraq Antalya Diplomatiya Forumunda onlara məlumat verdiklərini ifadə edərək, “Əlbətdə danışıqlar keçirilir. Çıxacaqlarına dair təəssürat da yaratdılar. Əlbətdə ki, orada əbədi qala bilməzlər" deyə vurğulayıb. 

Bunun "məsuliyyətli bir çıxma" olmasının vacibliyini vurğulayan Qureyşi "Həmişə dediyimiz şey "Çıxın, ancaq bunu nizamlı olaraq edin" deyirik. Bu, məsuliyyətlə görülməlidir. Çıxış sistemli olmasa və sülh prosesi ilə irəliləmədiyi təqdirdə Əfqanıstanın 1990-cı illərdə yaşananları yenidən yaşayacağından narahat oluruq" ifadələrdən istifadə edib.

Qureyşi ABŞ əsgərlərinin Əfqanıstandan çıxarılması və Türkiyənin ölkədə təhlükəsizliyin təmin edilməsindəki rolu barədə isə bunları söyləyib:

"Gündəmdə Türkiyə olduqda isə Pakistan bu baxımdan çox rahatdır. Türkiyə NATO üzvüdür və NATO Əfqanıstandan çıxmağa qərar verdi. (Prezident Rəcəb Tayyib) Ərdoğan bu mövzuda bir açıqlama yaydı. Bu mövzuda nə düşündüklərini anlamaq istəyirəm. Forum çərçivəsində xarici işlər naziri Mövlud Çavuşoğlu ilə görüşəcəyəm. Prezidentin ev sahibliyi edəcəyi ziyafətdə onunla görüşə bilər və düşündüklərini öyrənə bilərəm".

Ərdoğan və Çavuşoğlu ilə görüşlərində yalnız Əfqanıstan mövzusunun deyil, eyni zamanda İslamofobiya mövzusunun da müzakirə ediləcəyinə diqqət çəkən Qureyşi "Türkiyə və Pakistanın bu mövzuda oxşar fikirləri var. Düşünürük ki, bu artan təhdid, müsəlmanların ayrı-seçkiliyi və hədəfə alınması və Qərbdə ortaya çıxan bu yanaşma ilə mübarizə aparmaq lazımdır" deyib.