“Johnson & Johnson” peyvəndinin paylanması dayandırıldı
Cənubi Afrika Respublikasında “Kovid-19” əleyhinə “Johnson & Johnson” peyvəndinin paylanması dayandırılıb.
Afrika qitəsində yeni növ koronavirus (Kovid-19) hadisələrində ən çox artımın olduğu qeydə alınan Cənubi Afrika Respublikasında istifadəyə yararsız olduğu təyin olunan 2 milyon doza Kovid-19 əleyhinə “Johnson & Johnson” peyvəndinin paylanması dayandırıldı.
Cənubi Afrika Sağlamlıq Məhsulları Tənzimləmə Şurasından yayılan açıqlamada ABŞ Qida və Dərman İdarəsinin (FDA) hesabatına görə “Johnson & Johnson” peyvəndin istehsalı zamanı lazımi təhlükəsizlik protokollarına əməl edilmədiyi, bu səbəbdən 2 milyon doza peyvəndin paylanmasının dayandırılması qərarına gəlindiyi, Cənubi Afrikalıların sağlamlığının heç bir şəkildə təhlükəyə salınmasına icazə verilməyəcəyi vurğulanıb.
Qeyd edək ki, Cənubi Afrika Respublikasında epidemiya səbəbiylə insan tələfatı 57 mini, virusa yoluxanların sayı isə 1 milyon 739 min nəfəri keçib.
Әlaqәli Xәbәrlәr
BMT Qəzza ilə bağlı çağırış etdi
Bu barədə BMT-nin Humanitar Məsələlərin Əlaqələndirilməsi Ofisi (OCHA) bəyanat yayıb.