Avropa Parlamenti ticarət və əməkdaşlıq müqaviləsini təsdiq etdi
Avropa Parlamenti (AP), Brexitdən sonrakı dövrdə Avropa İttifaqı (Aİ) və İngiltərə arasında ticarət əlaqələri müəyyənləşdirəcək müqaviləni təsdiqlədi.
Belçikanın paytaxtı Brüsseldə baş tutan AP Baş Məclisinin iclasında Aİ və İngiltərə arasında ticarət və əməkdaşlıq müqaviləsi müzakirə edildikdən sonra keçirilən səsvermədi 660 lehdə və 5 əleyhdə, 32 neytral səslə qəbul edilib. Razılığa əsasən, Aİ və İngiltərə mənşə qaydalarına uyğun mallara gömrük vergisi və kvota tətbiq etməyəcək. Tərəflər ətraf mühiti qoruyacaq və iqlim dəyişikliyinə qarşı mübarizəyə üstünlük verəcəklər. Sosial hüquqlar və işçilərin hüquqları qorunacaqdır. Məcburi mübahisələrin həlli mexanizmi ilə rəqabət ədalətli və bərabər şərtlər altında həyata keçiriləcəkdir. Aİ və İngiltərənin ərazi sularındakı balıq ehtiyatları birlikdə idarə ediləcəkdir. İngiltərə balıqçılıq fəaliyyətlərini inkişaf etdirə biləcək. Avropalı balıqçıların fəaliyyətləri davam edəcək. Tərəflər nəqliyyat sahəsində ədalətli rəqabət aparacaqlar. Aİ və İngiltərə vətəndaşlarının sosial təminat hüquqları əlaqələndiriləcəkdir. Xüsusilə sərhədlərarası cinayət və terrorizmə qarşı təhlükəsizlik və məhkəmə əməkdaşlığı birliyi yaradılacaq. Aİ ilə İngiltərə arasında ortaq məclis quraraq razılaşmanın necə şərh ediləcəyi və həyata keçiriləcəyi müəyyənləşəcəkdir.
Әlaqәli Xәbәrlәr
İsrail ordusu Livana ağır zərbələr endirib
İsrail ordusu Livanın cənubuna intensiv hava hücumu həyata keçirib.