Co Bayden vә Vladimir Zelenski arasında telefon danışığı olub

Amerika Birlәşmiş Ştatları prezidenti Co Bayden vә Ukrayna prezidenti Vladimer Zelenski arasında telefon danışığı olub.

Bu barәdә Ağ Evdәn verilәn bәyanatda bilirilib. Bәyanata görә, Co Bayden görüşdә  ölkәsinin Ukraynaya olan sarsılmaz dәstәyinin davam edәcәyini ifadә edib.

‘‘Prezident Co Bayden görüşdә Rusiyanın Donbas vә Krımda davam edәn hücumlarına qarşı ABŞ-ın Ukraynanın suverenliyini vә әrazi bütövlüyünü dәstәklәmәyә davam edәcәyini vurğulayıb’’,-deyә bәyanatda qeyd olunub.

Ağ Evin sözçüsü Cen Psaki isә keçirdiyi mәtbuat konfransında Rusiya ilә Ukrayna arasındakı gәrginliyi izlәdiklәrini bildirib.

‘‘Yaşanan vәziyyәtә görә narahatıq. Bu mәsәlә ilә bağlı tәrәflәr vә avropalı tәrәfdaşlarımızla görüşlәrimizi davam etdirәcәyik’’,-deyә Cen Psaki vurğulayıb.

Ukrayna Silahlı Qüvvәlәrinin Baş Qәrargah rәisi Ruslan Homçak martın 30-da Ukrayna parlamentindә etdiyi çıxışında Rusiya Silahlı Qüvvәlәrinin hәrbi tәlim bәhanәsi ilә Ukrayna sәrhәdlәri yaxınlığına hәrbi qoşunlar göndәrdiyini bildirmişdi.

Kraml sözçüdü Dmitri Peskov  da Rusiyanın öz hәrbi birliklәrini öz torpaqlarında  hәrәkәt etdirdiyini vә bunun heç kim üçün tәhdid olmadığını ifadә etmişdi.

Ukraynanın şәrqindәki Donbas bölgәsindә dırnaqarası müstәqilliyini elan edәn rusiyapәrәst aktivistlәrlә Kiyev rәhbәrliyi arasında 2014-cü ildәn etibarәn qarşıdurmalar davam edir.

Qarşıdurmalar nәticәsindә 13 mindәn çox adamın hәyatını itirdiyi bildirilir.