İndoneziyada neftayırma zavodunda yanğın baş verib

İndoneziyanın Qərbi Yava əyalətində neftayırma zavodunda baş verən yanğın nəticəsində 28 nəfər yaralanıb.

Yaralılardan 5-nin vəziyyəti ağırdır. Hadisə baş verən ərazidən minə yaxın sakin təxliyə edilib.

“Pertamina” Neft-Qaz Dövlət Şirkətindən bildirilib ki, hadisə yanacaq çənlərindən birində baş verən yanğından sonra yayılıb.

Yanğının səbəbi araşdırılır. Yüzlərlə adamın yanğın bölgəsindən çıxarıldığı bildirilib.