Birlәşmiş Millәtlәr Tәşkilatı İngiltәrә ilә bağlı bәyanat yayıb

Birlәşmiş Millәtlәr Tәşkilatı İngiltәrәnin nüvә ehtiyatlarını artırdığı ilә bağlı verdiyi açıqlamasını tәnqid edib. BMT İngiltәrәnin bu mövzudakı öhdәliklәrinә әmәl etmәdiyini açıqlayıb.

Birlәşmiş Millәtlәr Tәşkilatının Baş katibinin sözçüsü Stefan Dujarik Nyu Yorkda jurnalistlәrә verdiyi bәyanatda deyib: ‘‘ İngiltәrәnin bu bәyanatı 2010-cu ildә Nüvә Silahların Qarşısının Alınması ilә bağlı keçirilәn konfransda qәbul edilәn qәrarlara ziddir. Konfransda hәmçinin hәr növ nüvә silahların qlobal ehtiyatlarının әhatәli şәkildә azaldılmasına dair çağırış da edilib’’.

Qeyd edәk ki, İngiltәrәnin xarici işlәr naziri Dominik Raab martın 16-da verdiyi bәyanatda  rәsmi Londonun nüvә silah ehtiyatının artırılması ilә bağlı qәrarının dәyişәn şәrtlәr vә dәyişәn tәhdidlәr nәticәsindә qәbul edildiyini bildirmişdi.