Myanmada etiraz aksiyasında 4 nәfәr hәyatını itirib

Myanmanın әn böyük şәhәri olan Yanqonda tәhlükәsizlik qüvvәlәrinin Sançanq qәsәbәsini mühasirәyә alaraq etiraz aksiyasının keçirildiyi meydanda qapalı qalan aksiyaçıları saxlamaq istәmәsinә reaksiya mәqsәdilә  keçirilәn mitinqdә 4 nәfәr hәyatını itirib.

Yerli mәtbuat orqanlarının yaydığı mәlumata görә, Yanqonun bir sıra qәsәbәsindә çox sayda adam komendant saatına baxmayaraq gecә radәlәrindә tәhlükәsizlik qüvvәlәrinә öz etirazını bildirmәk üçün meydanlara axışıb.

Aksiya zamanı 4 nәfәrin hәyatını itirdiyi açıqlanıb.

Yonqondakı xarici ölkәlәrin sәfirlәri hәrbi xuntaya mühasirәyә alınan aksiyaçıların evlәrinә geri qayıtmalarına icazә verilmәsi ilә әlaqәdar çağırış ediblәr.

Mәlumata görә, tәhlükәsizlik qüvvәlәri aksiyaçıların evlәrinә qayıtmasına icazә verib.

Qeyd edәk ki, Myanmada fevralın 1-dә hәrbi çevriliş hәyata keçirilib.

Ordu ölkәnin lideri vә xarici işlәr naziri başda olmaqla çox sayda rәsmi şәxsi vә iqtidardakı partiyanın sәdrini saxlayıb vә fövqәladә vәziyyәt rejimi elan edib.

Myanma vәtәndaşları çevrilişә etiraz edәrәk fevralın 6-dan etibarәn mitinqlәr keçirir.