Maska rejiminin ləğv ediləcəyi növbəti ştat

Arkanzas maska rejiminin ləğv ediləcəyi növbəti ştat olmağa hazırlaşır

1597636
Maska rejiminin ləğv ediləcəyi növbəti ştat

 

  Arkanzas valisi (qubernator) Asa Hatçinson bildirib ki, Amerika ştatlarında koronavirusa yoluxma və bu xəstəlikdən ölüm faizi göstəricilərinin azalması müşahidə olunduğu üçün Arkanzas bu ayın sonunda maska rejiminin ləğv ediləcəyi növbəti ştat olmağı planlaşdırır.

  Hatçinsonun sözlərinə görə, ştatın "Covid-19" üzrə təlimatları martın 31-dən etibarən yalnız “rəhbərlik” hesab ediləcək, yəni maska taxmayan fiziki və hüquqi şəxslər buna görə cərimə olunmayacaqlar.

  “The New York Times”ın 6 marta olan məlumatına görə, Arkanzas ştatında orta hesabla gündə 373 hadisə qeydə alınıb. Bu, iki həftə əvvəlki rəqəmlə müqayisədə orta hesabla 2 faiz azdır.

  Hatçinson martın 7-də “Fox News” telekanalında çıxış edərək deyib ki, məhdudiyyətləri mümkün qədər tezliklə yumşaltmaq istəyir. O, Texas və Missisipi ştatlarında maska rejiminin ləğv edilməsi və iqtisadiyyatın tamamilə açılması barədə bu yaxınlarda qəbul olunmuş qərarlara istinad edib.

  Bütövlükdə, "Covid-19" pandemiyası dövründə Birləşmiş Ştatlarda 28.973.018 yoluxma və 524.698 ölüm hadisəsi qeydə alınıb. Bu göstəricilər üzrə ABŞ dünyada birinci yerdə qalmaqda davam edir.

  Cons Hopkins Universitetinin məlumatlarına əsasən, 6 martda 58.411 yeni koronavirusa yoluxma hadisəsi və 1485 ölüm faktı qeydə alınıb. Ağ ev və ABŞ Səhiyyə Nazirliyi maska rejiminin belə sürətlə ləğv edilməsini məsləhət görmürlər.



Әlaqәli Xәbәrlәr