Co Bayden ilk günündə 17 fərman imzalayıb

ABŞ Prezidenti Co Bayden hər yerdə 100 gün müddətində tibbi maska taxılması ilə bağlı fərman imzalayıb.

Ağ Evin bu barədəki məlumatına əsasən, fərmanda federal binalarda və federal ərazilərdə tibbi maska taxılması zəruri hesab edilir və  sosial məsafənin gözlənilməsi tələb olunur. 

Baydenin digər fərmanı ABŞ-ın Meksika ilə sərhəddə inşa edilmiş divarla bağlı olub. 

Ağ Evdəki ilk günündə cəmi 17 fərman imzalayan Bayden Oval Ofisdə jurnalistlərə verdiyi açıqlamada Donald Trampın ona ürəkaçıqlığı ilə məktub yazdığını, ancaq şəxsi olduğunur, onunla danışmayana qədər bu barədə açıqlama verməyəcəyini söyləyib.