Dünyada yeni növ koronavirusdan ölәnlәrin sayı iki milyona yaxınlaşıb

Dünyada yeni növ koronavirusdan ölәnlәrin sayı iki milyon 4 min 420-u keçib. İnfeksiyaya yoluxanların sayı 93 milyon 611 min, virusdan müalicә olunaraq sağalanların sayı da 66 milyon 916 mindən yuxarıdır.

İspaniyada "Covid-19"dan son 24 saat ərzində 201 nəfərin ölümü ilə insan itkisi 53 min 79-a yüksəlib. Müvafiq zaman ərzində 35 min 878 yeni yoluxma qeydə alınması ilə virusa yoluxanların sayı 2 milyon 211 min 967-ə çıxıb.

Portuqaliyanın Səhiyyə Nazirliyi son 24 saat ərzində "Covid-19" səbəbiylə 148 adamın öldüyünü və 10 min 698 yeni hadisənin qeydə alındığını açıqlayıb. Ölkədə insan itkisi 8 min 384-ə, yoluxma sayı 517 min 816-a yüksəlib. Bu arada, rəsmi proqramlarını ləğv edən prezident Marselo de Sousa ilə yanaşı 3 nazir də karantindədir.

Almaniyada son 24 saat ərzində yeni növ koronavirus nfeksiyasına 22 min 368 yoluxma halı qeydə alınıb, 1 min 113 nəfər vəfat edib.

Almaniyada indiyə qədər "Covid-19"a yoluxanların sayı 2 milyon 958 min nəfərə çatıb.

Xəstəlikdən ölənlərin sayı 44 min 994 nəfər olub. 

Hindistanda epidemiya səbəbiylə ölənlərin sayı 151 min 954, infeksiyaya yoluxanların sayı isə 10 milyon 528 min 508-ə yüksəlib.

Yeni tip koronavirus səbəbindən insan itkisi Misirdə 8 min 421, Mərakeşdə7 min 854, Tunisdə 5 min 478-ə çıxıb. Orta Şərqdə və Şimali Afrikada "Ərəb Baharı" nın başlanğıc nöqtəsi olan Tunisdəki inqilabın 10-cu ildönümü həmişəki kimi küçələrdə deyil, "Covid-19" səbəbiylə sosial mediada qeyd olunub.

Ümumdünya Səhiyyə Təşkilatının (ÜST) Afrika üzrə direktoru Dr. Matshidiso Moeti Covid-19" epidemiyasının qitə boyunca sürətlə artdığını ifadə edərək, "Covid-19" peyvəndlərinin mart ayında Afrika qitəsinə çatması vacibdir" deyib.