ÜST "Covid-19"un yeni tipinin xəstəliyi ağırlaşdırmasına dair heç bir dəlil olmadığını açıqlayıb

Ümumdünya Səhiyyə Təşkilatının (ÜST) baş direktoru  Tedros Adanom Qebreyesus koronavirusun yeni mutasiya etmiş növünün xəstəliyi ağırlaşdırmasına dair heç bir dəlil olmadığını bildirib.

1549437
ÜST "Covid-19"un yeni tipinin xəstəliyi ağırlaşdırmasına dair heç bir dəlil olmadığını açıqlayıb

Ümumdünya Səhiyyə Təşkilatının (ÜST) baş direktoru  Tedros Adanom Qebreyesus koronavirusun yeni mutasiya etmiş növünün xəstəliyi ağırlaşdırmasına dair heç bir dəlil olmadığını bildirib. 

Qebreyesus ÜST-nin İsveçrənin Cenevrə şəhərindəki mərkəzi  qərargahında video-konfrans formatında təşkil edilən mətbuat konfransında "Son bir neçə gündə İngiltərədə və Cənubi Afrika Respublikasında koronavirus növləri haqqında xəbərlər yayıldı. Viruslar zaman ərzində mutasiyaya uğrayır. Bu, təbiidir və gözlənilən idi" deyib.

İngiltərənin bu növün daha asan yoluxduğunu bildirdiyini söyləyən Qebreyesus "Ancaq indiyə qədər bunun ciddi bir xəstəlik və ya ölümə səbəb olacağına dair bir dəlil yoxdur" ifadəsini işlədib.

İngiltərənin "Covid-19" infeksiyasının daha sürətli yayıldığı bildirilən mutasiyanın aşkarlanmasından sonra Baş nazir Boris Conson və bir qrup elm adamı bu növün 70 faiz daha yoluxucu olduğunu açıqlamışdı. İngiltərənin Səhiyyə naziri Matt Hankak da bu "Covid-19" növünün nəzarətdən çıxdığını bildirmişdi. 

"Covid-19"un bu növünün İngiltərədən sonra Danimarka, Hollandiya və Cənubi Afrikada görülməsi nəticəsində Türkiyə kimi bir çox ölkə İngiltərə ilə uçuşları dayandırıb.



Әlaqәli Xәbәrlәr