Mehmet Öz ABŞ-ın fitness, idman və sağlam qidalanma şurasında təmsil olunacaq

ABŞ prezidenti Donald Tramp ölkənin Fitness, İdman və Sağlam Qidalanma üzrə Prezident Şurasına türk əsilli həkim Mehmet Özün namizədliyini irəli sürüb.

Ağ Evin yaydığı siyahıda Trampın Fitness, İdman və Sağlam Qidalanma üzrə Prezident Şurasına irəli sürdüyü namizədlərin adları açıqlanıb. Siyahıda ümumilikdə 29 nəfərin adı var. Onlardan biri də Nyu Cersidə yaşayan kardiocərrah Mehmet Özdür.

Fitness, İdman və Sağlam Qidalanma üzrə Prezident Şurasının əsası ABŞ-ın 34-cü prezidenti Duayt Eyzenhauer tərəfindən qoyulub. Şura amerikalıları idmana və sağlam həyata yönləndirməyə çalışır.

Qeyd edək ki, Mehmet Öz yalnız ABŞ-da deyil, digər ölkələrdə də tanınan kardiocərrahlardandır.