‘‘Covid-19’’a yoluxmuş xәstәlәrin müalicә olunduğu xәstәxanada yanğın baş verib,ölәnlәr var

Rusiyanın Sankt-Peterburq şәhәrindә yeni növ koronavirusa yoluxmuş xәstәlәrin müalicә olunduğu xәstәxanada yanğın baş verib. Hadisә nәticәsindә beş nәfәr hәyatını itirib.

Mәlumata görә, yanğın Sankt- Peterburqdakı Yorqi xәstәxanasının 6-cı mәrtәbәsindә baş verib.

Mәlumatda qeyd olunub ki, xәstәxanadakı 150 nәfәri evakuasiya etmәk mümkün olub. Yanğın nәzarәt altına alınıb. İlkin mәlumatdalara әsasәn, yanğına süni tәnәffüs cihazlarındakı nasazlıq sәbәb olıub. Faktla başlı araşdırma aparılır.

Xatırladaq ki, Rusiyanın Krasnoqorsk şәhәrindәki xәstәxanada  iki gün әvvәl yanğın baş vermişdi. Hadisә nәticәsindә doqquz nәfәr hәyatını itirmişdi.

Keçәn hәftә dә paytaxt Moskvada koronavirus epidemiyasına yoluxmuş xәstәlәrin müalicә olunduğu xәstәxanada baş verәn yanğında bir nәfәr ölmüşdü.