Korona virusundan dünya üzrə can itkisi və yoluxma sayı

  Epidemiyanın mərkəzi olmuş Amerika Birləşmiş Ştatlarında virusdan ölümlər 50 mini geridə qoyub, yoluxma halları 870 min 468-i aşıb. Nyu Yorkdan sonra ən çox təsirlənən ikinci ştat Nyu Cercidə (New Jersey) yoluxma sayı 100 mini, can itkisi isə 5600-ü keçib.

  İtaliyada “Covid-19”dan həyatını itirənlərin sayı son 24 saatda 420 nəfər artaraq 25.969-a yüksəlib, yoluxanların sayı isə azalaraq 106.527-ə düşüb.

  Fransada virusdan son bir gündə ölənlərin sayı 389 artaraq 22.245-ə qalxıb.

  5653 can itkisi olan Almaniyada son 24 saatda 9 Türkiyə vətəndaşının ölümü ilə bu ölkədə həyatını itirən türklərin sayı 109 olub.

  Belçikada epidemiyaya qarşı mübarizə tədbirləri çərçivəsində tətbiq olunan qismi təcrid üç mərhələdən ibarət olaraq aradan qaldırılacaq. İlkin mərhələdə - 4 maydan bəzi böyük mağazalar açılacaq və yenidən iş həyatına dönüləcək. İkinci mərhələdə - 18 maydan məktəblər pilləli olaraq tədris prosesinə başlayacaq. Üçüncü mərhələ - 8 iyundan isə son mərhələyə keçilərək bütün restoran, kafe və mağazalar açılacaq.

  Digər ölkələrdəki “Covid-19”dan can itkisi və yoluxma sayı belədir: Avstraliya 80 / 6687, Yeni Zelandiya 18 / 1461, Braziliya 3670 / 52.995, Kolumbiya 225 / 4881, Kuba 49 / 1285.

  Ekvadorda indiyə qədər 576 adamın həyatına bais olan “Covid-19”a yoluxma son bir gündə 11.536 nəfər artaraq 22.719-a çatıb.

  Korona virusunun ilk ortaya çıxdığı Çində yeni can itkisi qeydə alınmayıb, 12 yeni yoluxma təsbit edilib. Xatırladaq ki, ölkədə “Covid-19”dan indiyə qədər 4632 adam həyatını itirib.

  Bu günə qədər 240 adamın epidemiyadan həyatını itirdiyi Cənubi Koreyada yoluxma sayı 10.718-ə çıxıb.

  Yaponiyanın Naqasaki şəhəri limanına təmir üçün yan alan İtaliyanın “Costa Atlantica” sərnişin gəmisində “Covid-19”a bulaşanların sayı 150-dir.

  Ərəb ölkələrində korona virusundan ölən və yoluxma hallarının sayı artır: Misir 294 / 4092, Əlcəzair 415 / 3127, Mərakeş 158 / 3758, Tunis 38 / 922, Oman 10 / 1790, İordaniya 7 / 441, Liviya 2 / 61.

  Afrika qitəsində “Covid-19”dan ölüm hadisələri 1300-ə yaxınlaşıb, yoluxma halları 27 mini, xəstələrin sayı isə 7474-i keçib.