Şincin Çində pişik və it ətinin istehlakına qadağa qoyan ilk şəhər oldu

  Korona virusunun yeni növü “Covid-19” epidemiyasından sonra Şincin Çində pişik və it ətinin istehlakı və satışına qadağa qoyan ilk şəhər oldu.

  Şincin şəhər rəhbərliyi verdiyi məlumatda bildirib: "Pişiklər və itlər ev heyvanlarıdır və insanlara daha yaxındırlar. İtlərin, pişiklərin və digər ev heyvanlarının istehlakına inkişaf etmiş ölkələrdə, o cümlədən Honq Konq və Tayvanda çoxdan qadağa qoyulub. Bu qadağa mayın 1-də Şınçində qüvvəyə minəcək.”

  Beynəlxalq Qeyri-Hökumət Cəmiyyətləri Təşkilatı heyvan hüquqları müdafiəçisi Peter Li Şincin rəhbərliyinin qəbul etdiyi qərarı müsbət qarşılayaraq deyib: "Bu hərəkət Çində hər il 4 milyon pişik və 10 milyon iti öldürən qəddar ticarətə son qoymaq yolunda səylərin dönüş nöqtəsidir”.