Aİ-nin xarici işlər nazirləri İran və İraqdakı son vəziyyəti müzakirə edəcəklər

Avropa İttifaqının xarici işlər nazirləri İran və İraqdakı son vəziyyətdən sonra yanvarın 10-da növbədənkənar yığıncaq keçirməyi qərara alıb.

Bunu Avropa İttifaqının (Aİ) Xarici Siyasət və Təhlükəsizlik məsələləri üzrə ali nümayəndəsi Cozef Borel  "twitter" səhifəsində yazıb.

Borel xarici işlər nazirlərinin yanvarın 10-da nahar radələrində yığıncaq keçirərək İran və İraqdakı son vəziyyəti müzakirə edəcəklərini bildirib.

Cofez Borel Aİ-nin bölgədəki gərginliyin azaldılması üçün üzərinə düşəni yerinə yetirəcəyini ifadə edib.