Xorvatiyada prezident seçkilərinin ikinci turu keçiriləcək

Xorvatiyanın müxalif Sosial Demokrat Partiyasının namizədi Zoran Milanoviç və ölkənin keçmiş baş naziri, hazırkı prezidenti Kolinda Qrabar-Kitaroviç prezident seçkilərinin ikinci turunda iştirak edəcək.

Xorvatiya Dövlət Seçki Komissiyasının məlumatına görə, seçki bülletenlərinin 96%- sayılıb. Həmin nəticəyə görə Milanoviç 29,6%, Kolinda Qrabar-Kitaroviç 26,77%, müğənni və iş adamı Miroslav Şkoro isə 24,42 % səs toplayıb.

Beləliklə, namizədlərdən heç biri səslərin yarısından çoxunu, yəni 50% üstəgəl bir səs toplamadığına görə seçkilərin ikinci turu baş tutacaq və bu mərhələdə Zoran Milanoviçlə Kolinda Qrabar-Kitaroviç mübarizə aparacaq. 

İkinci tur yanvarın 5-nə planlaşdırılıb.