Donald Tramp impiçmenti çevriliş ilә müqayisә edib
Bu barədə Donald Tramp şәxsi internet sәhifәsindә yazıb.
ABŞ prezidenti Donald Tramp Konqresdə impiçment prosedurunun işə salınmasını çevriliş adlandırıb.
Bu barədə Donald Tramp şәxsi internet sәhifәsindә yazıb.
Donald Tramp mövzu ilә bağlı detalları öyrəndikcə baş verənlərin impiçment deyil, çevriliş olduğunu, təşəbbüsün vətəndaşlıq haqlarını aradan qaldırmağı qarşısına məqsəd qoyduğunu irəli sürdü.
Xatırladaq ki, ABŞ-da son günlər Donald Trampla Ukrayna prezidenti Vladimir Zelenski arasında telefon danışığı ətrafinda böyük qalmaqal yaranıb. Bu qalmaqal konqresdə Birləşmiş Ştatlar liderinin impiçment prosedurunun başlamasına səbəb olub. İddialara görə, Donald Tramp Zelenskidən Kiyevə maliyyə və hərbi yardım qarşılığında Amerikanın sabiq vitse-prezidenti Cozef Baydenin oğlunun Ukraynadakı fəaliyyətinə dair təhqiqata başlamağı xahiş edib. Demokrat Co Bayden 2020-ci ilin noyabrında keçiriləcək prezident seçkilərində Trampın əsas rəqibi sayılır.