‘‘Dorian’’ qasırğası nәticәsindә itkin düşәnlәrin sayı 1300-ә çatıb

Baham adalarında tüğyan etmiş ‘‘Dorian’’ qasırğası nәticәsindә 1300 nәfәr itkin düşüb.

BBC-nin yaydığı xәbәrdә  Baham adalarının Fövqәladә Hallar İdarәsinin verdiyi açıqlamada  ölkәdә keçәn hәftә tüğyan edәn ‘‘Dorian’’ qasırğasından sonra itkin düşmüş bәzi şәxslәrin tәbii fәlakәtlә bağlı yaradılan düşәrgәlәrdә olmaları sәbәbindәn itkin düşәnlәrin sayının azaldığı bildirilib.

Mәlumatda daha әvvәl 2 min 500 alaraq açıqlanan itkin düşmüş şәxslәrin sayının 1300 olduğu vurğulanıb.

Qasırğanın tüğyan etdiyi bölgәlәrdә axtarış-xilasetmә әmәliyyatları davam etdirilir.

Baham adalarının rәsmilәri çәrşәmbә günü verdiklәri açıqlamada 2 min 500 nәfәrin itkin düşdüyünü ancaq bu şәxslәrdәn bәzilәrinin tәbii fәlakәtlә әlaqәdar  yaradılan düşәrgәlәrdә ola bilәcәklәrini bildirmişdi.

Amerika Birlәşmiş Ştatları rәhbәrliyi  Baham adalarına tәxminәn dörd milyon dollar mәblәğindә humanitar yardım çatdıracağını açıqlayıb.

ABŞ Beynәlxalq İnkişaf Agentliyindәn verilәn açıqlamada ayrılan vәsaitin Baham adalarında tәbiyi fәlakәtdәn әziyyәt çәkәnlәrә xәrclәnәcәyi bildirilib.

Açıqlamada indiyәdәk ‘‘Dorian’’ qasırğası nәticәsindә zәrәr görәn şәxslәrә ayrılan vәsaitin 10 milyon dollara çatdığı qeyd olunub.

Digәr tәrәfdәn Baham adalarının rәhbәrliyi dünәn tropik fırtına ilә bağlı xәbәrdarlıq edib.

Qeyd edәk ki, ‘‘Dorian’’ qasırğası nәticәsindә hәlak olanların sayı 50 nәfәrә çatıb. Tәbii fәlakәt nәticәsindә çox sayda adamın itkin düşdüyü bildirilib.