Mayk Pompeo: ‘‘Orta Şәrqdәki problemlәrin hәll edilmәsi üçün yeni tәkliflәrә ehtiyac var’’

Amerika Birlәşmiş Ştatlarının dövlәt katibi Mayk Pompeo Orta Şәrqdәki ‘‘köhnә’’ problemlәrin hәll edilmәsi üçün yeni tәkliflәrә ehtiyac olduğunu deyib.

Birlәşmiş Millәtlәr Tәşkilatının Tәhlükәsiz Şurasının Orta  Şәrqdәki proseslәrlә bağlı iclasına qatılan Mayk Pompeo buradaki çıxışında İranın nüvә sazişi ilә bağlı pozuntularını vә Hörmüz boğazında müsadirә etdiyi gәmilәri sadalayıb.

‘‘BMT Tәhlükәsizlik Şurasının 2020-ci ilin oktyabr ayında sona çatacaq İrana qarşı silah embarqosunu yaxından izlәyirik. Vaxt daralır. Bunu bütün dünya da tәqib edir. İranın terror rejimini güclәndirmәk imkanını mәhdudlaşdırmaq üçün az zaman qaldı. Beynәlxalq ictimaiyyәtin bunun qarşısını almaq üçün lazımı qәdәr vaxtı var’’,- deyә Amerika Birlәşmiş Ştatlarının dövlәt katibi qeyd edib.

Mayk Pompeo Suriya, Yәmәn vә İran probleminin hәll edilmәsi üçün Orta Şәrqdә ciddi әmәkdaşlığa ehtiyac olduğunu deyib.

Mayk Pompeo bildirib ki, ‘‘köhnә’’ problemlәrin hәll edilmәsi üçün yeni tәkliflәrә ehtiyac var.

İclasdan sonra jurnalistlәrә açıqlama verәn Mayk Pompeo İranın Suriyaya xam neft daşıdığı iddia edilәn tankerlәrlә bağlı bir sualı cavablandıraraq deyib ki, Amerika Birlәşmiş Ştatları İranın Suriyaya neft göndәrmәsinin qarşısını almaq üçün sanksiyalar çәrçivәsindә hәr növ addım atacaq.