Rusiyada hərbi hissədə partlayış nəticəsində həlak olanların sayı 5 oldu

Rusiyanın Arxangelsk vilayətindəki Severodvinsk şəhərindən 30 kilometr məsafədə yerləşən hərbi hissənin ərazisində cümə axşamı günü baş verən güclü partlayış nəticəsində həlak olanların sayı 5-ə yüksəldi.

Qeyd edək ki, hadisənin olduğu zaman  2 nəfər həlak olmuşdu, 15-ə qədər yaralı vardı.  Məlumata görə, partlayış raket qurğusunun sınağı zamanı baş verib. Hadisənin səbəbləri barədə məlumat yoxdur.

Xatırladaq ki, 3 gün əvvəl Krasnoyarsk vilayətində yerləşən Açinsk şəhərindəki hərbi hissədə də güclü partlayışlar baş verib. Artilleriya silahlarının saxlanıldığı anbarda qeydə alınan partlayışlardan sonra güclü yanğın başlayıb. Ölən və xəsarət alanlar olub.