Nepalda torpaq sürüşmәsi 8 nәfәrin hәyatına son qoyub

Nepalda leysan yağışların sәbәb olduğu torpaq sürüşmәsi nәticәsindә 8 nәfәr hәlak olub, 2 nәfәr dә itkin düşüb.

Ölkә rәsmisi Yadhunath Poudyal Qulmi bölgәsindә baş verәn torpaq sürüşmәsi nәticәsindә azı beş evin torpaq altında qaldığını deyib.

Tәbii fәlakәt nәticәsindә 8 nәfәrin hәlak olduğunu, 2 nәfәrin dә itkin düşdüyünü bildirәn Yadhunath Poudyal hadisә  zamanı torpaq altında qalan  2 nәfәrin xilas edildiyini qeyd edib.

Yadhunath Poudyal itkin düşәnlәrin tapılması istiqamәtindә hәyata keçirilәn axtarış-xilasetmә әmәliyyatlarının davam etdirildiyini bildirib.

Qeyd edәk ki, bu il Nepalda yağan leysan yağışları nәticәsindә 90 nәfәr hәlak olub.