Jens Stoltenberg: “Türkiyə NATO-nun əhəmiyyətli müttəfiqidir”
NATO-nun baş katibi Jens Stoltenberg, alyansın Türkiyə ilə əməkdaşlığı “F-35”-dən daha əhatəli olduğunu bildirib.
Jens Stoltenberg, Aspen İnstitutunun başçılığında ABŞ-nın Colorado əyalətində təşkil edilən növbəti təhlükəsizlik konfransında Türkiyənin Rusiyadan S-400 hava hücumundan müdafiə sistemlərini satın alması ilə əlaqəli prosesi yaxından izlədiklərini, tərəflərlə mövzu haqqında fikir mübadiləsi etdiklərini ifadə edərək: “Ölkələr müdafiə sistemlərinin tədarükü mövzusunda sərbəstlər. Əsas məsələ bu sistemlərin Nato sistemlərinə uyğun olub-olmadıqlarıdır. Türkiyənin aldığı “S-400”-lər NATO-nun hava müdafiə sisteminə inteqrasiya olmayacaq. Səbəbi isə bunların bir arada işləyən sistemlər olmamasıdır. Onsuz da Türkiyənin belə bir tələbi də olmayıb. Türkiyənin NATO-ya dəstəyi və alyansın Türkiyə ilə əməkdaşlığı “F-35”-lərdən daha əhatəlidir. Terror təşkilatı DEAŞ-a qarşı mübarizədə əhəmiyyətli müttəfiqlərimizdən hesab edilən Türkiyə Balkanlar, Kosovo və Əfqanıstanda da NATO-nun bir çox əməliyyatına dəstək təmin edir. Türkiyənin ABŞ-dan Patriot sistemlərini və ya Eurosamdan raket sistemlərini satın almaq üçün əhəmiyyətli danışıqlar aparmaqda davam edir.
Әlaqәli Xәbәrlәr
Avropada ekstremal istilik stresi
“Kopernikus” İqlim Dəyişməsi Xidməti və Ümumdünya Meteorologiya Təşkilatının məlumatına görə ...