Rusiya Avropa Şurası Parlament Assambleyasına geri qəbul edildi
Rusiya 5 il fasilədən sonra Avropa Şurası Parlament Assambleyasına geri qəbul edildi.
Rusiya 5 il fasilədən sonra Avropa Şurası Parlament Assambleyasına geri qəbul edildi.
Fransanın Strasburq şəhərində toplanan Avropaa Şurası Parlament Assambleyasının yay sessiyasında keçirilən səsvermədə Krımı işğalı səbəbindən 2014-cü ildə AŞPA-dakı nümayəndə heyətinin səsvermə hüququ əlindən alınan Rusiyanın geri qayıtmasını nəzərdə tutan qərar qəbul edildi.
Qərar 62 əleyhinə,10 bitərəf, 118 lehinə verilmiş səslə qəbul edildi.
Xatırladaq ki, Rusiyanın 2014-cü ildə Krımı işğalı səbəbindən AŞPA-dakı Rusiya nümayəndə heyətinin səsvermə hüququ əlindən alınmışdı. Rusiya da bu sanksiyaya reaksiya olaraq, 2016-cı ildən etibarən öz nümayəndə heyətini AŞPA-ya göndərməmə barəsində qərar qəbul etmiş, Avropa Şurasının büdcəsinə töhfə payını (illik 33 milyon avro) verməkdən imtina etmişdi.
2017-ci ildən bəri büdcə töhfə payını ödəməyən Rusiyanın Avropa Şurası qaydalarına əsasən, Avropa Şurasının icra orqanı olan Nazirlər Komitəsi tərəfindən üzvlükdən çıxarılması ehtimalı vardı.
Әlaqәli Xәbәrlәr
Avropada ekstremal istilik stresi
“Kopernikus” İqlim Dəyişməsi Xidməti və Ümumdünya Meteorologiya Təşkilatının məlumatına görə ...