Fransada partlayış oldu, 13 nəfər yaralandı

Fransanın Lyon şəhərində partlayış oldu.

Partlayış nəticəsində 13 nəfərin yaralandığı bildirilir.

Terror törətməkdə şübhəli bilinən şəxsin fotosu polis tərəfindən yayılıb.

Həmin şəxsin velosipedlə çörək mağazanın qarşısına gəldiyi, çemodanı yerə qoyduğu və uzaqlaşandan sonra həmin çemodanın partladığı kameralarda qeydə alınıb.

Polis həmin şəxsin təhlükəli olduğunu bildirərək, insanları ehtiyatlı olmağa, onu gördükləri halda polisə zəng etməyə çağırıb.

Fransa prezidenti Emmanuel Makron canlı yayında verdiyi açıqlamada hadisəni "hücum" adlandırıb.