Binyamin Netanyahu: ‘‘Altı müsәlman ölkәsi ilә danışıqlar aparırıq’’
Binyamin Netanyahu 1967-ci ildә baş verәn ‘‘Altı gün müharibәsi’’ zamanı İsrailin Baş naziri vәzifәsini icra edәn Levi Eşkolün anım mәrasimindә çıxış edib.
İsrail Baş naziri Binyamin Netanyahu qısa müddәt әvvәl qәdәr ‘‘düşmәn’’ kimi qәbul etdiklәri altı müsәlman ölkәsi ilә danışıqlar apardıqlarını deyib.
Binyamin Netanyahu 1967-ci ildә baş verәn ‘‘Altı gün müharibәsi’’ zamanı İsrailin Baş naziri vәzifәsini icra edәn Levi Eşkolün anım mәrasimindә çıxış edib.
İsrail Baş naziri bildirib ki, qısa müddәt әvvәlәdәk düşmәn olaraq qәbul etdiyimiz altı müsәlman ölkәsi ilә danışıqlar aparırıq.
Binyamin Netanyahu adini vermәdiyi bu ölkәlәrlә aparılan danışıqların şülh prosesi üçün çox әhәmiyyәtli olduğunu vurğulayıb.
Netanyahu İsrail ictimaiyyətinin Ərəb ölkələrlə münasibətlərin normallaşmasının yalnız kiçik bir qismini görə bildiyini, münasibətlərin böyük qisminin gizli şəkildə davam etdiyini qeyd edib.
Amerika Birləşmiş Ştatlarının rəhbərliyi ilə Polşanın paytaxtı Varşavada fevralın 13-14 tarixlәrindә keçirilən "Orta Şərqdə Sülh və Təhlükəsizliyin Gələcəyi’’ adlı konfransda İsrail Baş naziri Binyamin Netanyahu ilə yanaşı Birləşmiş Ərəb Əmirlikləri, Bəhreyn, Qətər, Oman və Yəmən xarici işlər nazirləri iştirak etmişdi.
Konfransda Səudiyyə Ərəbistanını xarici əlaqələr üzrә dövlət naziri, Küveyti isә xarici işlәr nazirin müavini təmsil etmişdi.
Qeyd edәk ki, Binyamin Netanyahu 2018-ci il oktyabrın 26-da Omana sәfәr edәrәk Kral Kabus Bin Səid ilə görüşmüşdü.