Boliviya prezidenti Evo Morales Xuan Quaidoya reaksiya göstәrdi
Evo Morales verdiyi bәyanatda özünü Venesuelanın müvәqqәti dövlәt başçısı elan edәn Milli Mәclisin sәdri Xuan Quaidonun bәyanatlarını rәdd etdiklәrini vurğuladı.
Boliviya prezidenti Evo Morales Venesuela Milli Mәclisinin sәdri Xuan Quaidonun Amerika Birləşmiş Ştatlarının ölkəsinə mümkün hərbi müdaxiləsini rәdd etmәmәsinә reaksiya göstәrib.
Evo Morales sәxsi internet sәhifәsindәn verdiyi bәyanatda özünü Venesuelanın müvәqqәti dövlәt başçısı elan edәn Milli Mәclisin sәdri Xuan Quaidonun bәyanatlarını rәdd etdiklәrini vurğuladı.
Xuan Quaidonun açıqlamalarının Latın Amerikasında müharibәnin başlamasına sәbәb ola bilәcәyini ifadә edәn Evo Morales deyib:
‘‘Xuan Quaidonun ABŞ-ın Venesuelaya mümkün hәrbi müdaxilәsini qәbul edәcәklәri ilә әlaqәdar verdiyi açıqlamasını rәdd edirik. Xuan Quaidonu tanıyan qardaş dövlәtlәrin prezidentlәri bu mәsәlәni necә qiymәtlәndirirlәr ?’’.
Qeyd edәk ki, Xuan Quaido özünü "müvəqqəti prezident" elan etdikdən sonra Avstraliya, Kanada, Kolumbiya, Peru, Ekvador, Paraqvay, Braziliya, Çili, Panama, Argentina, Kosta Rika və Qvatemala onu tanımışdılar. Avropa Parlamenti dә Xuan Quaidonu tanıdığını elan etmişdi.
Ancaq Meksika, Türkiyə, Rusiya, Kuba, Çin və Bolivya Venesuela prezidenti Nicolas Maduro hökumətinə dəstək verdiklərini elan etmişdilər. Maduro da cərəyan edən hadisələrə cavab olaraq ticari əlaqələr istisna olmaqla ABŞ ilə diplomatik və siyasi münasibətlərə son qoyduğunu açıqlamışdı.
