NATO-ya üzv dövlәtlәrin liderlәri İngiltәrәdә görüşәcәk

NATO-nun baş katibi Yens Stoltenberq (Jens Stoltenberg) alyansa üzv ölkәlәrin liderlәrinin NATO-ya üzv  dövlәt vә hökumәt başçıları toplantısı çәrçivәsindә dekabr ayında Londonda görüşәcәyini bildirib.

Yens Stoltenberq mәsәlә ilә bağlı verdiyi açıqlamada bu ifadәlәrә yer verib: ‘‘NATO-ya üzv  dövlәt vә hökumәt başçıları toplantısı dekabr ayında Londonda keçirilәcәk’’.

Stoltenberq İngiltәrәnin alyansın qurucu üzvlәrindәn olduğunu vә Londonun da ilk NATO qәrargahına ev sahibliyi edәn şәhәr olduğunu xatırladıb.

Qeyd edәk ki, NATO-ya üzv dövlәtlәrin liderlәri әnәnәvi olaraq hәr iki ildә bir dәfә keçirilәn sammitlәr çәrçivәsindә bir araya gәlirlәr.

Liderlәr bu çәrçivәdә ötәn il NATO-nun Belçikanın paytaxtı Brüsseldәki mәrkәzi qәrargahında toplantı keçirmişdilәr.