BMT Venesuela il bağlı gözlənilməz mövqe nümayiş etdirib
Birlәşmiş Millәtlәr Tәşkilatının baş katibi Antonio Quterreş (Antonio Guterres) BMT-nin heç bir qrupun yanında yer almayacağını söyləyib.
BMT Venesuela böhranı ilə bağlı gözlənilməz mövqe nümayiş etdirib.
Birlәşmiş Millәtlәr Tәşkilatının baş katibi Antonio Quterreş (Antonio Guterres) BMT-nin heç bir qrupun yanında yer almayacağını söyləyib.
Antonio Quterreş jurnalistlərə verdiyi açıqlamada Venesueladakı böhranı narahatlıqla izlədiyini bildirib.
Müvafiq ölkәlәrlә müzakirәlәr apardığını qeyd edәn Antonio Quterreş deyib: ‘‘BMT Venesuela böhranının siyasi yolla hәll olunması üçün heç bir qrupun yanında olmayacaq’’.
Qeyd edәk ki, Venesuela Milli Mәclisinin sәdri Xuan Quaido (Juan Guaido) özünü "müvəqqəti prezident" elan etdikdən sonra Avstraliya, Kanada, Kolumbiya, Peru, Ekvador, Paraqvay, Braziliya, Çili, Panama, Argentina, Kosta Rika və Qvatemala onu tanımışdılar. Avropa Parlamenti dә Xuan Quaidonu tanıdığını elan etmişdi.
Ancaq Meksika, Türkiyə, Rusiya, Kuba, Çin və Bolivya Venesuela prezidenti Nicolas Maduro hökumətinə dəstək verdiklərini elan etmişdilər. Maduro da cərəyan edən hadisələrə cavab olaraq ticari əlaqələr istisna olmaqla ABŞ ilə diplomatik və siyasi münasibətlərə son qoyduğunu açıqlamışdı.
