Mattis: "Hindistan ilə strateji mənfəətlərimiz eyni müstəviyə gəlir"
Amerika Birləşmiş Ştatlarının Müdafiə naziri Cim Mattis (Jim Mattis) uzun zamandır "qoşulmayan" ölkə statusunda Rusiyadan silah alan Hindistanın strateji mənafelərinin zamanla ABŞ ilə eyni müstəviyə gəldiyini söylədi.
Amerika Birləşmiş Ştatlarının Müdafiə naziri Cim Mattis (Jim Mattis) Pentaqonda Hindistanın Müdafiə naziri Nirmala Sitharamanla görüşündən əvvəl mətbuat nümayəndələrini qəbul etdi.
Mattis Hindistanın Rusiyadan S-400 raket sistemi aldığı xatırladılaraq ABŞ-ın bu ölkəni Rusiya sanksiyalarından kənarda tutma ehtimalına dair verilən sulı belə cavablandırdı: "Hindistan illərdir "qoşulmayan ölkə" statusundadır. Rusiyadan çox silah aldılar. Strateji mənfəətlərimiz eyni müstəviyə gəlir".
Qeyd edək ki, ABŞ Konqresinin ötən il çıxardığı Amerika Düşmənlərinə Qarşı Sanksiyalarla Mübarizə Qanunu (CAATSA) Rusiya müdafiə və kəşfiyyat sistemi ilə əlaqəli qurum və təşkilatlarla iş görən üçüncü ölkə və şirkətlərə sanksiya tətbiqini nəzərdə tutur.
Hindistan Rusiyadan S-400 raket əleyhinə müdafiə sistemi alır. Bununla yanaşı, inventarında Rusiya istehsalı olan "Mig-21", "Mig-27", "Mig-29" və "Su-30" tipli döyüş təyyarələri də vardır.
