Vladimir Putin vә Angela Merkel arasında telefon danışığı olub
Bu barәdә Kremlin mәtbuat xidmәtindәn verilәn mәlumatda bildirilib.
Rusiya prezidenti Vladimir Putin vә Almaniya Kansleri Angela Merkel arasında telefon danışığı olub.
Bu barәdә Kremlin mәtbuat xidmәtindәn verilәn mәlumatda bildirilib.
Mәlumata әsasәn, söhbәt zamanı Vladimir Putin bildirib ki, Ukraynada hәrbi vәziyyәt elan olunduğuna görә narahatam.
Tәәflәrin Kerç Boğazında Rusiya ilә Ukrayna arasında yaşanan gәrginlik sәbәbindәn telefon әlaqәsi saxladıqları bildirilib.
Görüşdә Ukraynanı beynәlxaq hüququ pozmaqda tәqsirlәndirәn Vladimir Putin deyib: ‘‘Ukraynada hәrbi vәziyyәt elan olunduğuna görә narahatam’’.
Qarşı tәrәfin tәlәbi ilә hәyata keçirilәn telefon danışığında Putin bildirib ki, Ukraynanın tәlәsik qәrar qәbul etmәsinin qarşısının alınması üçün Almaniyanın Kiyev rәhbәrliyinә tәsir göstәrәcәyinә ümidvarıq.
Qeyd edək ki, dünən səhər saatlarında Azov dənizində Rusiyaya məxsus döyüş gəmiləri ilə Ukrayna döyüş gəmilərinin qarşı-qarşıya gəldiyi qeyd edilmiş, Rusiyaya məxsus gəmilər Rusiya su sərhədlərinə daxil olduğu iddiası ilə Ukrayna döyüş gəmilərinə müdaxilə etmişdi.
Ukrayna Hərbi Dəniz Qüvvələri Komandanlığı Azov dənizindəki Kerç Boğazı ətrafında Rusiya Federal Təhlükəsizlik Xidmətinə (FSB) aid sərhəd təhlükəsizliyi gəmisindən Ukrayna döyüş gəmilərinə atəş açıldığını bildirmişdi. Komandanlıqdan verilən məlumatda açılan atəş nəticəsində iki Ukrayna әsgәrinin yaralandığı, Ukraynaya məxsus gəminin zərər gördüyü vә Ukrayna gəmilərinin Rusiya xüsusi qüvvələri tərəfindən ələ keçirildiyi qeyd edilmişdi.
Әlaqәli Xәbәrlәr
Avropada ekstremal istilik stresi
“Kopernikus” İqlim Dəyişməsi Xidməti və Ümumdünya Meteorologiya Təşkilatının məlumatına görə ...