İndoneziyada dalbadal 2 zəlzələ baş verdi

  İndoneziyada baş verən zəlzələlərin səbəb olduğu sürüşmələrdən sonra 7 nəfər həyatını itirib.

  Şinhua agentliyinin xəbərinə görə, İndoneziyanın Qərb Sulavesi əyalətinin Mamasa bölgəsində noyabrın 17 və 18-də meydana gələn, 5,1 - 5,5 gücündə zəlzələlərin səbəb olduğu sürüşmələrə görə 8 min nəfər təxliyə olunub.

  Xatırladaq ki, İndoneziyanın Sulavesi adasında sentyabrın sonunda baş verən zəlzələdə 2 mindən çox adam həyatını itirmişdi.